Zəfər Medalı

Azərbaycan tarixində, milli yaddaşımızda qızıl hərflərlə həkk olunacaq 10 noyabr yurdumuzun qəhrəmanlıq salnaməsi və şanlı qalibiyyəti kimi tarixə düşdü. Otuz illik həsrətə son qoyan bu əzəmətli qələbə düşmən işğalında olan əzəli torpaqlarımızın azad edilməsi və ərazi bütövlüyümüzün təmin edilməsi deməkdir

30 illik həsrətə 44 gündə son qoymağı bacaran şanlı ordumuzun bu qələbəsini birdəfəlik olaraq yaddaşlara həkk etmək üçün Zəfər medalını hazırladıq. Bu medal böyük bir qələbənin, böyük bir şücaətin göstəricisidir. Qəhrəmanlar diyarının igid oğullarının çaldığı bu şanlı zəfər əbədi olaraq tariximizdə silinməz səhifə kimi qalacaqdır!